Chat with us, powered by LiveChat

Խնդիրների առաջացման դեպքում զանգահարեք +374 11 28 00 00

Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Ռուսաստանը ղարաբաղյան հակամարտության կողմերին միշտ կառուցողական մոտեցման կոչ է արել. Զախարովա

Ռուսաստանը ղարաբաղյան հակամարտության կողմերին միշտ կառուցողական մոտեցման կոչ է արել. Զախարովա
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Ռուսաստանը ղարաբաղյան հակամարտության կողմերին միշտ կառուցողական մոտեցման կոչ է արել. Զախարովա

Ռուսաստանն իր կողմից ղարաբաղյան հակամարտության կողմերին միշտ կառուցողական մոտեցման կոչ է արել։ Այս մասին ասել է Ռուսաստանի ԱԳՆ պաշտոնական ներկայացուցիչ Մարիա Զախարովան՝ մեկնաբանելով Ադրբեջանի նախագահ Իլհամ Ալիեւի հայտարարությունը, որն ասել է. «Արցախը Ադրբեջան եւ եւ բացականչական նշան»։ Նա ընդգծել է, որ Ադրբեջանի նախագահի մամուլի քարտուղարը չէ եւ չի կարող իմանալ, թե ինչ նկատի ուներ Ալիեւը՝ արտահայտվելով այս կամ այն հարցերի մասին։ «Մենք կարող ենք տալ մեր գնահատականը, այլ ոչ թե մեկնաբանել»,- ընդգծել է Զախարովան։

Նրա խոսքով՝ մենք տեսնում ենք մեծ քանակությամբ քաղաքական հայտարարություններ, որոնք արվում են երկու կողմերից՝ Երեւանի եւ Բաքվի, ղարաբաղյան կարգավորման թեմայով»։ «Հուզականության տարբեր աստիճանով, պատմական համատեքստին, արդի համատեքստին տարբեր աստիճանի կապվածությամբ։ Մենք ելնում ենք այն բանակցային օրակարգից, որն ունենք սեղանին»,- նշել է Զախարովան՝ ասելով, որ Ռուսաստանն աշխատում է կողմերի եւ ԵԱՀԿ Մինսկի խմբի համանախագահների միջեւ համաձայնեցված փաստաթղթերով։

Զախարովան նշել է, որ Ռուսաստանի եւ այլ միջնորդ երկրների խնդիրն է հասնել հակամարտության վերջնական կարգավորմանն ու նպաստել գործընթացի առավելագույն արագացմանը: «Մեր կողմից մենք մշտապես կառուցողական մոտեցման կոչ ենք արել կողմերին: Եվ կասկածել, որ հենց դա է նրանց նպատակը, ես չեմ կարող եւ չեմ ցանկանում, քանի որ բոլորը պատասխանատու քաղաքական գործիչներ են եւ արտահայտում են իրենց ժողովուրդների ակնկալիքները: Եվ բոլոր ժողովուրդներն այդ ճգնաժամի ողջ ընթացքում մշտապես պատվիրակել են իրենց ղեկավարություններին այդ հարցի կարգավորումը: Այդ պատճառով մենք զբաղվում ենք մեր դերով, ինչպես մենք ենք կարծում, առավելագույնս կառուցողական, եւ բոլորին կառուցողական աշխատանքի եւ այդ ուղղությամբ քայլեր ձեռնարկելու կոչ ենք անում»,- հայտարարել է Զախարովան՝ նշելով համաձայնեցված ձեւակերպումների եւ փաստաթղթերի առկայությունը, ինչպես նաեւ գործընթացն առաջ տանելու օրակարգը:

Բեռնեք Հայկական Լրատվական Ռադիոյի հավելվածները այստեղ՝




website by Sargssyan