Chat with us, powered by LiveChat

Խնդիրների առաջացման դեպքում զանգահարեք +374 11 28 00 00

Բաժանորդագրվել

Մուտք գործել

Կամ

Չի կարող լինել դատարկ!

Չի կարող լինել դատարկ!

Գաղտնաբառի վերականգնում

Գրանցվել

Կամ

Error message here!

Error message here!

Error message here!

Մոռացել ե՞ք գաղտնաբառը։ Մուտքագրեք ձեր էլ.հասցեն եւ դուք կստանաք նոր գաղտնաբառ։

Էլ. հասցեն գրանցված չէ։

Վերադառնալ

Close

Նախարարը խորհուրդ է տալիս թանկացած մթերքների փոխարեն գնել դրանց փոխարինիչները

Նախարարը խորհուրդ է տալիս թանկացած մթերքների փոխարեն գնել դրանց փոխարինիչները
ԲԱԺԱՆՈՐԴՆԵՐԸ ԽՐԱԽՈՒՍՈՒՄ ԵՆ ԽՈՍՔԻ ԱԶԱՏՈՒԹՅՈՒՆԸ ԵՎ ՍՏԱՆՈՒՄ ՈՐԱԿ ՊԱՀԱՆՋԵԼՈՒ ԻՐԱՎՈՒՆՔ
Նախարարը խորհուրդ է տալիս թանկացած մթերքների փոխարեն գնել դրանց փոխարինիչները

Հայաստանում հնդկաձավարի գնի բարձրացումը կապված է հիմնականում արտաքին շուկայում արձանագրված գնի աճի հետ, որը, սակայն, եղել է կորոնավիրուսի տարածումից անկախ: Էկոնոմիկայի նախարար Տիգրան Խաչատրյանը խորհուրդ է տալիս թանկացած ապրանքների փոխարեն գնել դրանց փոխարինիչները՝ կարգավորելու նաև շուկան: 

«Արմենպրես»-ի փոխանցմամբ՝ նախարարն այս մասին ասաց ասուլիսում՝անդրադառնալով հարցին, թե ինչու է որոշ ապրանքների, մասնավորապես, հնդկաձավարի գնի բարձրացում նկատվում:

«Երբ անցյալ շաբաթվա վերջին մասնավոր հատվածը ներկայացնող կազմակերպությունների հետ քննարկում էինք, եղավ պարզաբանում, որ հնդկաձավարի գները սկսել էին բարձրանալ Ռուսաստանում, մասնավորապես, մինչև կորոնավիրուսի ազդեցությունը և տնտեսական դժվարությունները: Դա պայմանավորված է շուկայով: Բերվում էին օրինակներ, որ նախորդ հունվարի նկատմամբ այս հունվարին արդեն 2 անգամ գնի բարձրացում տեղի էր ունեցել և շարունակվում էր դրա աճը: Այսինքն՝ հնդկաձավարի դեպքում արտաքին շուկաներում, անկախ կորոնավիրուսի տարածումից, եղել է գնաճ, որը փոխանցվել է նաև մեր վաճառքի շուկա»,-ասաց Խաչատրյանը:

Նախարարը նկատեց, որ գների բարձրացման համար երկու բան է հնարավոր: Մեկն էլ այն է, որ այս ընթացքում լոգիստիկ շղթաներն են որոշակիորեն վնասվում: Ապրանքային հոսքի զգալի մասը իրանական սահմանի կողմից կամ Լարսի կողմից ժամանակ առ ժամանակ հանդիպում է դժվարությունների: Եվ չնայած այդ դժվարություններին՝ առայսօր հնարավոր է եղել ապահովել կանոնավոր մատակարարումներ: 

Խաչատրյանը նշեց՝ հնարավոր են որոշակի ապրանքների գների փոփոխություններ, որոնք արդեն տեսանելի են առանձին դեպքերում: «Բայց մենք հույս ունենք և տեսնում ենք դրա ուղղությամբ գործադրվող ջանքերը, որ մեր տնտեսավարողներն այնպես են կազմակերպում իրենց աշխատանքը, որ դա հնարավորինս լինի սպառողի համար հարմարավետ և գների բարձրացման չհանգեցնի: Եթե ՏՄՊՊՀ-ն նկատի, որ առանձին  տնտեսավարողներ, օգտվելով իրավիճակից, չարաշահում են իրենց դիրքերը, ունի բավարար գործիքներ՝ դրանք կանխելու համար»,-ասաց նա:

Խաչատրյանը շեշտեց՝ խուճապի մատնվելու որևէ առիթ, պատճառ այս պահին չկա: «Կլինեն որոշակի գնային տատանումներ, պետք է դրան հանգիստ վերաբերվել, եթե մենք տեսնում ենք ոսպի և հնդկաձավարի գները թանկանում են, ապա մենք որպես սպառողներ կարող ենք ընտրել մյուս փոխարինիչները, որոնք առկա են, այդպիսով առհասարակ նաև շուկան է կարգավորվում»,-ասաց նա:

Բեռնեք Հայկական Լրատվական Ռադիոյի հավելվածները այստեղ՝




website by Sargssyan