Բելգիայի գիտական, քաղաքական, իրավական եւ մշակութային շրջանակների ներկայացուցիչները Բրյուսելին եւ Եվրոպային կոչ են արել անհապաղ միջոցներ ձեռնարկել արցախյան հակամարտության գոտում էսկալացիայի հետ կապված:
«2020թ. սեպտեմբերի 27-ին Ադրբեջանի զինված ուժերը, Թուրքիայի հայտարարած քաղաքական եւ ռազմական աջակցությամբ, լայնամասշտաբ հարձակում են սկսել Արցախի վրա: Հարձակումներ են տեղի ունեցել նաեւ ՀՀ տարածքի վրա: Թուրքիայի կառավարությունը ջիհադիստներ է ուղարկել է Ադրբեջան, որոնք մասնակցում են հայերի դեմ այս հարձակումներին: Բոլոր հիմքերը կան վախենալու մարդու իրավունքների զանգվածային խախտումներից, ներառյալ խաղաղ բնակիչների զանգվածային սպանությունները:
Մենք կոչ ենք անում Բելգիային եւ Եվրոպային անհապաղ գործել այս դրամատիկ հակամարտության պայմաններում:
● Կոչ ենք անում Բելգիային եւ Եվրամիությանը հստակ դատապարտել այս հարձակումը:
● Պատժամիջոցներ սահմանել ԵՄ անդամության թեկնածու եւ ՆԱՏՕ-ի գործընկեր Թուրքիայի դեմ` ագրեսիային նրա մասնակցության համար:
● Կոչ ենք անում Բելգիային, Եվրամիությանը եւ իրավապաշտպան կազմակերպություններին դատապարտել արգելված հրթիռների օգտագործումը եւ հարձակումները քաղաքացիական բնակչության եւ քաղաքացիական ենթակառուցվածքների վրա (օր.՝ LORA հրթիռները):
● Կոչ ենք անում ՆԱՏՕ-ին, որի անդամն է Թուրքիան, արգելել նրան մասնակցել Հայաստանի դեմ հարձակումներին՝ նրա անդամությունը դադարեցնելու ցանկացած սպառնալիքի ներքո:
● Վերջապես, մենք կոչ ենք անում միջազգային հանրությանը անհապաղ դադարեցնել բռնությունը եւ վերականգնել խաղաղ երկխոսության պայմանները՝ առաջնահերթ ուշադրության արժանացնելով մարդկանց», ասված է կոչում, որը ստորագրել են ավելի քան 30 գործիչներ:
Գրում է News.am -ը:
