16:43   23-11-2020
Արմեն Ջիգարխանյանի բնակարանը կարող է տուն-թանգարանի վերածվել
Թողնել մեկնաբանություն

Ռուս գործարար Յուրի Ռաստեգինը, որին կիսով չափ պատկանում է խորհրդային և ռուսական կինոյի, թատրոնի և հեռուստատեսության հայազգի դերասան Արմեն Ջիգարխանյանի բնակարանը, հայտնել է անշարժ գույքի հետագա ճակատագրի մասին, գրում է kp.ru կայքը: 

Հայտնի է, որ ձեռնարկատերը բնակարնի մի մասը ձեռք է բերել չորս տարի առաջ և այն անսահմանափակ ու անվճար վարձակալության պայմանագրի հիմքով Ջիգարխանյանին տրամադրել:

Ռաստեգինը նշել է, որ ցանկանում է բնակարանը թանգարանի վերածել: 

«Նա համաձայնություն է տվել, որ այնտեղ իր թանգարանը լինի, թույլ է տվել իր լուսանկարներն օգտագործել: Դա շնորհակալություն էր առ այն, որ նրան ամբողջ կյանքի համար բնակարան եմ տրամադրել: Տեսագրություն ունեմ, որտեղ նման պայմանագիր ենք կնքում»,- նշել է գործարարը: 

Ծրագրվում է ապագայում թանգարանում ոչ մեծ լսարանի կամ ստուդիական ձայնագրության համար մշակութային միջոցառումներ, ստեղծագործական հանդիպումներ անցկացնել:

Գրում է՝ Tert.am-ը:

Loading...