ԱՄՆ պետքարտուղարի առաջին տեղակալ Սթիվեն Բիգանը կմասնակցի ԵԱՀԿ նախարարական խորհրդի առցանց նիստին: Այս մասին հայտնում է ԱՄՆ Պետքարտուղարության մամուլի ծառայությունը:
Նիստին կմասնակցեն ԵԱՀԿ մասնակից 57 երկրների բարձրաստիճան պաշտոնյաներ՝ ԵԱՀԿ գործող նախագահ, Ալբանիայի վարչապետ Էդի Ռամայի նախագահությամբ:
Հաղորդագրության մեջ նշվում է, որ պետքարտուղարի տեղակալ Բիգանը կանդրադառնա Բելառուսում օգոստոսի 9-ին կայացած ընտրություններից հետո ցույցերի մասնակիցների կոշտ ցրման, Արցախում բռնության սրման, Ուկրաինային և Վրաստանին առնչվող հարցերին:
Գրում է Tert.am -ը:
