Խանութ մտած հաճախորդը պետք է վստահի իր վաճառողին, սպասարկող անձնակազմին: Գործարքը սովորաբար տեղի է ունենում այն ժամանակ, երբ հաճախորդն արժանանում է բարեխիղճ մոտեցման: Սպասարկման ոլորտը բարդ է. անգամ գերուշադրությունը կարող է վանել հաճախորդին:
Օրինակ՝ հաճախորդը գնում է մի զույգ կոշիկ միևնույն ժամանակ նայում կախված վերարկուին. պրոֆեսիոնալ վաճառողը պետք է նրբանկատորեն մոտենա և իջեցնի վերարկուն՝ առաջարկելով ձեռք բերել այն մատչելի գնով: Վաճառքն հարկադրաբար չի կարող լինել, այն պետք է հիմնված լինի պահանջմունքի վրա:
«White Store» խանութների ցանցի հիմնադիր Աննա Սողոյանի գնահատմամբ վաճառողի նկատառումներն ու առաջարկները հաճախ են օգնում մարքեթինգի թիմին: Այդպիսով շատ կարևոր է, որ մարքեթինգի բաժինը մշտական կապի մեջ լինի վաճառքի բաժնի հետ: