Արցախյան վերջին պատերազմի մի խումբ մասնակիցներ բողոքի ակցիա են կազմակերպել Պաշտպանության նախարարության շենքի դիմաց: Ինչպես տեղեկացնում է «Արմենպրես»-ը, ակցիայի մասնակիցները նշում են, որ պետությունը չի վճարել իրենց հասանելիք գումարը և պահանջում են այն:
«Թող նախ պատճառաբանեն, միգուցե մեր անունները չկան ցուցակում: Հնարավոր է՝ Արցախից է խնդիրը, գնանք Արցախում բողոքի ակցիա անենք, թող ասեն, մենք մեզանից ինչ կախված է անենք»,- ասաց պատերազմի մասնակիցներից մեկը: