Փետրվարի 1-12-ը Թուրքիան զորավարժություններ կանցկացնի Հայաստանի սահմանին մոտ գտնվող Կարսում: Իրենց մասնակցությունը կունենան նաև ադրբեջանցի զինվորականները: «Լրատվական ռադիոյի» հետ հեռախոսազրույցի ժամանակ ռազմական փորձագետ Կարեն Հովհաննիսյանը ներկայացրեց մանրամասներ, թե ինչով են տարբերվում մինչ այս անցկացված և սպասվելիք «թուրք-ադրբեջանական» ձմեռային զորավարժությունները:
Հովհաննիսյանի դիտարկմամբ՝ այդ զորավարժությունները Այդքան էլ թուրք-ադրբեջանական չեն, այլ թուրք նախիջևանյան. այդ զորավարժություններին մասնակցում է Նախիջևանի կայազորը: Նախկինում մասնակցում էր Բաքվից ժամանած զորախումբը, սակայն այս դեպքում այդպես չէ:
Փորձագետը նշեց, որ զորավարժությունների անցկացման պայմանները շատ ավելի նման են հայկական բնակլիմայական պայմաններին:
