Եվրանեսթ խորհրդարանական վեհաժողովի նիստում հայկական պատվիրակության անդամները կբարձրացնեն Ադրբեջանում պահվող հայ ռազմագերիների հարցը:
«Արմենպրես»-ի հաղորդամբ՝ այս մասին ԱԺ ճեպազրույցում ասաց «Իմ քայլը» խմբակցության պատգամավոր Արման Եղոյանը:
Եղոյանը նախ հիշեցրեց, որ քվեարկութամբ ԵԽԽՎ լիագումար նիստերի օրակարգ է մտել հայ ռազմագերիների հարցի քննարկումը: «Այսօր ունենք նաև Եվրանեսթ խորհրդարանական վեհաժողովի լիագումար նիստ՝ առցանց ձևաչափով: Երեկ հանձնաժողովի ձևաչափով հայկական պատվիրակությունը ևս մեկ անգամ բարձրացրել է այդ հարցը և ոչ միայն այդ հարցը: Այսօր լիագումար նիստի առցանց ձևաչափով այն ևս կդառնա քննարկման առարկա»,- ասաց պատգամավորը:
