18:05   20-04-2021
«Մասունքներ, որ լուռ չեն». Պատմության թանգարանը մեկնարկում է խորհրդանշական առցանց ցուցահանդեսը
Թողնել մեկնաբանություն

Հայաստանի պատմության թանգարանն օնլայն հարթակում մեկնարկել է «Մասունքներ, որ լուռ չեն» խորագրով ցուցադրությունը:

«Արմենպրես»-ի  հաղորդմամբ՝ թանգարանը ցուցադրությունը նվիրում է Հայոց ցեղասպանության 106-րդ տարելիցին:

Ցուցադրության շրջանակում Պատմության թանգարանը «Ֆեյսբուք»-ի իր պաշտոնական էջում ներկայացրել է լուսանկար, որում պատկերված է գոբելեն (մինդար) կնոջ պատկերով:

«Մինդարը գործվել է գաղթի ճանապարհին`1915-1918 թվականներին Արևմտյան Հայաստան (հեղինակը՝ պ. Գրիգոր ծնվ. Կեսարիայում, 1851-53թթ): Թանգարանին նվիրել է Երանուհի Հայդոստյանը (Գերմանիա): 1933 թվականին Գրիգորը Բեյրութում մինդարները վաճառել է Կ. Գավանճյանին՝ տուն վարձակալելու համար գումար ստանալու նպատակով»,-ասվում է լուսանկարին կից զետեղված հաղորդագրության մեջ:

Loading...