Վրաստանի «Միացյալ ազգային շարժում» ընդդիմադիր կուսակցությունը, որի հիմնադիրն է երկրի նախկին նախագահ Միխայիլ Սաակաշվիլին, կվերադառնա աշխատանքի խորհրդարանում 7-ամսյա բոյկոտից հետո։ Այդ մասին կիրակի ճեպազրույցի ժամանակ հայտարարել է կուսակցության նախագահ Նիկա Մելիան քաղաքական խորհրդի նիստից հետո, գրում է ՏԱՍՍ-ը։
Նրա խոսքով՝ վրացական ընդդիմությունը մտադիր է պայքարել «Վրացական երազանքի» դեմ ամենուր՝ խորհրդարանի նիստերի դահլիճում, հանձնաժողովների դահլիճներում, Աջարիայի Գերագույն խորհրդի դահլիճներում, հրապարակներում, փողոցներում, գյուղերում, շրջաններում, լեռներում եւ հարթավայրերում։ Բիձինա Իվանիշվիլին՝ իշխող կուսակցության հիմնադիրը, ամենուր դիմադրության կհանդիպի, խոստացել է Մելիան։
Գրում է՝ News.am-ը:
