Գերմանիան պատմականորեն և տնտեսապես սերտ կապված է Ռուսաստանի հետ և պետք է երկխոսություն պահպանի Մոսկվայի հետ՝ չնայած առկա տարաձայնություններին: Այս մասին ասված է նացիստական Գերմանիայի ԽՍՀՄ վրա հարձակման 80-ամյակի կապակցությամբ Գերմանիայի կանցլեր Անգելա Մերկելի ամենշաբաթյա փոդքասթում՝ տեղադրված դաշնային կառավարության կայքում:
«Եվ դեռ մենք Ռուսաստանի հետ երկխոսության կարիք ունենք: Մեր երկրները սերտորեն կապված են պատմական, սոցիալական և տնտեսական տեսանկյունից», – ասել է Մերկելը: «Մենք գիտենք, որ մենք միմյանց հետ կապված ենք միջազգային համագործակցության շրջանակներում: Դա մեզ ցույց տվեց համաճարակը, և նույնը վերաբերում է գլոբալ տաքացման դեմ պայքարին, որը ազդում է բոլորիս վրա», – ասել է կանցլերը` ավելացնելով, որ «Ռուսաստանը կարևոր դեր է խաղում այս ջանքերում»:
Գերմանիան, ինչպես ողջ ԵՄ-ն, չի կարող ընդունել իրավիճակը Ղրիմում, ասել է Մերկելը: Նա նաև ասել է, որ Բեռլինը «հիասթափեցնող է, համարում, որ վերջերս Ռուսաստանում, ինչպես նաև Բելառուսում քաղաքացիական հասարակության ոլորտում ջանքերը սահմանափակ էին և անհնարին դարձան»:
«Մեր հարաբերությունները բարդանում են խաղաղ ցուցարարների և ընդդիմադիրների ձերբակալմամբ։ Գերմանիան շարունակում է հավատարիմ մնալ նացիստների հանցագործությունների համար իր պատասխանատվությանը: Սա ներառում է կատարվածի հիշողությունը պահպանելը: Մենք չպետք է մոռանանք դրա մասին», – ավելացրել էՄերկելը:
Կանցլերը նշել է, որ նացիստական գերմանացիների՝ ԽՍՀՄ-ի վրա հարձակման 80-ամյակը գերմանացիների համար «ամաչելու առիթ է»: Նա նշել է, որ միևնույն ժամանակ, չնայած պատերազմի սարսափներին, նախկին Խորհրդային Միության ժողովուրդները հաշտության ձեռք մեկնեցին իր երկրին:
«Մենք խորապես երախտապարտ ենք դրա համար», – ասել է նա:
