Մենք այսօր անհրաժեշտից ավելին ենք սպառում և հաճախ գնում ենք այն, ինչն առօրյայում չենք օգտագործելու: Արդյունքում աշխատում ենք ավելի շատ, բայց ավելացած գումարը չի տնտեսվում: Ինքնաբուխ և ոչ անհրաժեշտ գնումների գլխավոր «մեղավորը», բացի սպառողից, նաև մարքեթինգային տեխնոլոգիաներն են: Անգամ ապրանքների հատուկ դասավորվածությունը կարող է ազդել գնորդի ենթագիտակցության վրա: Վաճառասրահում թանկարժեք ապրանքի կողքին առկա մաստակը կամ աքսեսուարը, 30-40 տոկոսով կարող է ավելացնել տվյալ օրվա ծախսը: Հաճախ տեխնոլոգիաների միջոցով մեզ հուշում են ազատվել հին իրերից, համոզելով, թե դրանք արդեն անպիտան են ու ոչ մոդայիկ: Նուրբ խաղի միջոցով ստիպում են գնորդին հավատալ՝ նոր իրը ձեռք բերելով դու կդառնաս ավելի ապահով և երջանիկ: Արդյունքում այսօր սպառողը մեծ հաշվով ոչ թե ապրանքն է գնում, այլ դրա հետ կապված զգացողությունը:
«ԷՄ-ՓԻ-ՋԻ» ընկերության փոխտնօրեն Գայանե Դաջունցը խոսել է արհեստական թրենդների, ասոցիացիաների խաղի և մարքեթինգային այլ տեխնոլոգիաների մասին: