Օգոստոսի 23-ին լրացավ անկախության հռչակագրի ընդունման 31 ամյակը: Անկախության հռչակագիրը իբրև սահմանադրության նախատիպ մնում է թերագնահատված: Հատկապես մոռացված է «Հայկական ԽՍՀ-ի և Լեռնային Ղարաբաղի վերամիավորման մասին» Ազգային խորհուրդների համատեղ որոշումը: Որևէ փաստաթղթի իրավական ուժը անտեսելուց առաջ հիշել է պետք Ալիևի քայլերը: Ինչու՞ է Ադրբեջանի նախագահը ձգտում ժամ առաջ խաղաղության պայմանագիր կնքել: Նա հասկանում է, որ դե ֆակտո գոյություն ունեցող իրավիճակը հաճախ կարող է չհամընկնել դե յուրե ամրագրվածի հետ. հենց դա էլ իր խոսքի մեջ ակնարկեց Հայաստանում Միացյալ Նահանգների դեսպան Լին Թրեյսին:
«Մոդուս վիվենդի» կենտրոնի տնօրեն Արա Պապյանը անդրադարձել է անկախության հռչակագրին և խոսել իրավական դաշտում խնդիրները լուծելու հնարավորության մասին: