Եվ Հայաստանը և Ադրբեջանը պետք է դիմեն ՄԱԿ-ի դատարան, պարզելու համար, թե որ փաստաթղթերը կարող են դառնալ սահմանազատման հիմք: Չի կարելի կնքել խաղաղության պայմանագիր, առանց իրավական հիմքերի: Բավական է մի փոքր սխալ ձևակերպում և մենք կունենանք ոչ միայն տարածքային, այլև ֆինանսական կորուստներ: Հետևաբար պայմանագրում պետք է լինի կետ, փոխադարձաբար ֆինանսական և նյութական պահանջներ չունենալու մասին: Չմոռանանք Ադրբեջանի 50-800 մլրդ դոլարի պահանջի մասին շրջանառվող թեման: Պայմանագիրը միջպետական է, և այն չի կարող ստորագրվել առանց շահագրգիռ նախարարությունների և Սահմանադրական դատարանի որոշման, իսկ սահմանների ցանկացած փոփոխություն պետք է տեղի ունենա միայն հանրաքվեյի համաձայն:
Ամեն բան ունի իր գինը և եթե հանուն այդ «խաղաղության» պետք է հարվածի տակ դնենք մեր ապագան, ապա դա ոչ թե խաղաղության պայմանագիր է, այլ «մահվան վկայական»:
«Մոդուս վիվենդի» հաղորդման հեղինակ Արա Պապյանը այս անգամ անդրադարձել է հնարավոր խաղաղության պայմանագրի նրբություններին: