Իրանի զինված ուժերը կիրակի օրը սկսել են «Զոլֆաղար-1400» զորավարժությունները Հորմուզի նեղուցում։ Այս մասին հաղորդում է Tasnim գործակալությունը։
Զորավարժություններին մասնակցում են Իսլամական Հանրապետության հետևակային ստորաբաժանումները, մեքենայացված ստորաբաժանումները, ռազմածովային, ռազմաօդային և հակաօդային պաշտպանության ուժերը։ Բացի դրանից, զորավարժություններում ներառված են ռադիոլակացիոն միջոցներ և անօդաչու թռչող սարքեր։
Իրանի ռազմական ուժերը այդ տարածքում ամեն տարի վարժանքներ են անցկացնում։