Լրատվամիջոցներից մեկում տարածված հրապարակումը, թե 2021 թվականի նոյեմբերի 16-ին Սյունիքում տեղի ունեցած ռազմական գործողությունների ժամանակ մայորից բարձր կոչում ունեցող զինվորականներին թույլ ի տրվել գործողությունների թեժ կետերում լինել, ապատեղեկատվություն է:
«Արմենպրես»-ի փոխանցմամբ՝ այս մասին հաղորդագրություն է տարածել ՀՀ պաշտպանության նախարարությունը:
«Հայաստանյան լրատվամիջոցներից մեկը տեղեկություն է տարածում, թե իբր «Սյունիքում ռազմական վերջին գործողությունների ժամանակ մայորից բարձր կոչում ունեցող զինվորականներին թույլ չեն տվել բարձրանալ դիրքեր՝ գործողությունների թեժ կետեր»: Այս տեղեկությունը ոչ մի կապ չունի իրականության հետ: Եվս մեկ անգամ համոզիչ կերպով կոչ ենք անում ձեռնպահ մնալ կեղծ տեղեկություններ տարածելուց»,- նշված է հաղորդագրության մեջ:
