Տարբեր ազգեր փորձում են գորգերի այս կամ այն զարդանախշի տեսակը իրենց վերագրել: Մինչդեռ գորգերի զարդանախշերի սիմվոլիկան համամարդկային է: Գորգերը պատմում են առասպելներից, աստվածային թեմաներից, ներկայացնում ժողովրդական բանահյուսությունը: Տարբեր ազգեր իրենց գորգերում օգտագործել են կոնկրետ զարդանախշեր և միայն հայերն են, որոնց գորգագործության պատմության մեջ հանդիպում են զարդանախշերի բոլոր տեսակները: Հայերը դեռ վաղ ժամանակներից այդ համամարդկային արժեքների կրողն էին:
Հայ գորգագործության մեջ, ինչպես և մշակութային այլև դրսևորումներում աշխարհագրական դիրքը մեծ նշանակություն է ունեցել՝ սկսած գույների ընտրությունից, վերջացրած՝ պատկերներով:
Թուրքական, պարսկական գորգ ասելով, դեռ պարզ չէ թե կոնկրետ ինչ նկատի ունենք, քանի որ այնտեղ ապրող ազգությունները շատ են և տարբեր, մինչդեռ հայկական գորգ ասելով հենց հայկականը նկատի ունենք:
Գագիկ Գինոսյանի հյուրը Շուշիի գորգերի թանգարանի տնօրեն Վարդան Ասծատրյանն է: