Փաշինյանը հացազրույցի ժամանակ պնդեց, որ ՝ «Ֆուտբոլային» դիվանագիտության ժամանակ Թուրքիայի նախագահն իշխող քաղաքական թիմի ներկայացուցիչ էր, բայց նա չէր երկրի ղեկավարը, այլ վարչապետն էր, իսկ հիմա երկխոսությունը տեղի է ունենում Թուրքիայի նախագահի տված լիազորությամբ: Սա, մեղմ ասած, համոզիչ չէ:
Թուրքիայի վարչապետն այդ ժամանակ նույն Էրդողանն էր, իսկ քաղաքականությունն էլ՝նույն թուրքականը: Հենց Էրդողանը տապալեց այդ արձանագրությունները և դրա մասին հայտարարեց Բաքվում, ինչը շատ բան է ասում: Այսօր էլ բանակցույթունների ֆոնին, թուրք պաշտոնյանները բարձրաձայնում են, որ իրենց քայլերը այս գործընթացում պետք է համաձայնեցնեն Ադրբեջանի հետ:
Էրդողանի քաղաքական դիրքորոշումները տարիների ընթացքում ավելի են կարծրացել:
Թուրքագետ Տիրան Լոքմագյոզյանը խոսել է ֆուտբոլային դիվանագիտության, մինչև 90-ականների սկիզբը գործող Գյումրի-Կարս երկաթուղու մասին: