Շագանակագեղձի ադենոման՝ բարորակ գերաճը, բազմապատճառային հիվանդություն է, որն առաջանում է շագանակագեղձի հարմիզուկային գեղձային զոնաների գերաճի հետևանքով` հանգեցնելով ստորին միզուղիների խցանման: Սովորաբար այն զարգանում է 50-ն անց տարիքում։ Տղամարդկանց մոտ 50 տոկոսը այս ժամանակ շագանակագեղձի որոշակի մեծացում է ունենում։ Խնդրի շուրջ առավել մանրամասն զրուցել ենք «Շենգավիթ» ԲԿ, Ուրոլոգիայի բաժանմունք, ուրոլոգ-վիրաբույժ, անդրոլոգ Գագիկ Թադևոսյանի հետ:
