Ադրբեջանի նախագահ Իլհամ Ալիևը հեռախոսազրույց է ունեցել իր թուրք պաշտոնակից Ռեջեփ Թայիփ Էրդողանի հետ, տեղեկացրել Հայաստանի վարչապետ Նիկոլ Փաշինյանի և Եվրոպական խորհրդի նախագահ Շառլ Միշելի հետ մայիսի 22-ին Բրյուսելում հանդիպման արդյունքների մասին:
Ալիևը հայտնել է, որ հանդիպման ընթացքում քննարկվել են Ադրբեջանի և Հայաստանի միջև խաղաղության պայմանագրի նախապատրաստման, հայ-ադրբեջանական հարաբերությունների կարգավորման, տրանսպորտային հաղորդակցությունների ապաշրջափակման, սահմանի սահմանազատման հարցերը: Նշվում է, որ Ադրբեջանի ղեկավարը դրական է գնահատել եռակողմ հանդիպման արդյունքները:
Էրդողանն իր հերթին բարձր է գնահատել Բրյուսելում կայացած հանդիպման արդյունքները։
