Միացյալ Նահանգների կողմից Արցախին կհատկացվի 2 մլն դոլար՝ մի շարք հարցերի լուծման համար: Չի կարելի սա համարել լուրջ քայլ Հայաստանի նկատմամբ: Սա տարօրինակ քայլ չէ և մշտական բնույթ ունի: Մյուս կողմից, սակայն, պետք է հստակեցնել, որ ԱՄՆ-ի համար սա քիչ գումար է՝ հաշվի առնելով իր կարգավիճակը: Այս քայլով նաև, ինչու ոչ, շեշտվում է Հայաստանի դերի փոքրացումը: Առհասարակ այսօր Սփյուռքը մեծ աշխատանք պետք է տանի, որպեսզի Հայաստանի նկատմամբ վերաբերմունք փոխվի: Մեր հայրենակիցները, սակայն, առաջնահերթ իրենց տեղային հարցերով են մտահոգվում: Սփյուռքը մեր պատմական անցյալի ուղիղ հետևանքն է: Հետևաբար Սփյուռքը չպետք է զլանա, միշտ պետք է օժանդակի իր գոյության գրավականի՝ Հայաստանի վերածնությանը:
