Ֆրանսիան իր համերաշխությունն է հայտնում Հայաստանին օգոստոսի 14-ին Երևանի «Սուրմալու« առևտրի կենտրոնում տեղի ունեցած պայթյունից հետո հայտարարված ազգային սգո առաջին օրը։
Ինչպես տեղեկացնում է «Արմենպրես»-ը, այս մասին հայտարարել է Ֆրանսիայի եվրոպական և արտաքին գործերի նախարարությունը:
«Ցավակցում ենք մահացածների ընտանիքներին, իսկ վիրավորներին մաղթում ենք շուտափույթ ապաքինում։ Մենք ողջունում ենք փրկարարների նվիրվածությունը, ովքեր շարունակում են անհետ կորածների որոնումները»-ասվում է հաղորդագրության մեջ։
