«Ճանապարհային դեպարտամենտ» հիմնադրամի լաբորատորիայի աշխատակիցները պարբերաբար այցելում են նորոգվող ճանապարհներ՝ իրականացնելով ճանապարհաշինական աշխատանքների և շինանյութերի փորձաքննություն։
Ճանապարհային դեպարտամենտ հիմնադրամից NEWS.am-ին հայտնում են, որ փորձարկումներն իրականացվում են ինչպես լաբորատոր, այնպես էլ դաշտային պայմաններում:
Շինարարության որակը ստուգելու նպատակով լաբորատորիայի միջոցով կատարվում է ուսումնասիրություն՝ հանուկի բաղադրության ստուգում։ Հանուկի փորձարկումների հիման վրա որոշվում են ասֆալտի խտացման գործակիցը, ջրահագեցվածությունը, շերտի հաստությունը և այլն։