Թուրքիայի նախագահ Ռեջեփ Թայիփ Էրդողանը պաշտոնական Անկարայի նպատակն է համարել է մոտ ապագայում Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկու հանդիպումը։ Նրա խոսքերը մեջբերում է ՌԻԱ Նովոստին։
Թուրք առաջնորդի խոսքով՝ Զելենսկու և Պուտինի անձնական հանդիպումը նախագահներին թույլ կտա հասնել «կայուն հրադադարի»։ Էրդողանը նաև շնորհակալություն է հայտնել Ուկրաինայի և Ռուսաստանի ղեկավարներին՝ ռազմագերիների փոխանակմանը նպաստելու համար։
Ավելի վաղ Թուրքիայի արտաքին գործերի նախարար Մևլութ Չավուշօղլուն հայտարարել էր, որ Պուտինը Էրդողանին ասել է, որ պատրաստ է վերադառնալ Կիևի հետ բանակցություններին, բայց նոր պայմաններով, որոնք ի հայտ են եկել։ Նախարարի խոսքով՝ Ռուսաստանի ղեկավարն այս մասին Էրդողանին ասել է Շանհայի համագործակցության կազմակերպության (ՇՀԿ) գագաթնաժողովի շրջանակում։
