Բիզնեսի բարեվարքության ակումբը փորձում է ներդրումային միջավայրի բարելավման ուղղությամբ քայլեր ձեռնարկել: Վստահության մթնոլորտը անհրաժեշտ պայման է ներդրումների ներգրավման համար, սակայն կան «կառուցողական» և «քայքայող» կապիտալի տեսակներ:
Կառուցողականը պատասխանատու, «համբերատար» կապիտալն է, որը հիմնվում է օրենքի գերակայության վրա՝ աջակցելով սոցիալական ինստիտուտներին, ներառական տնտեսական աճին: Այն կարևորում է նաև թափանցիկությունն ու հաշվետվողականությունը:
Բայց ի հակադրություն դրան կա նաև «քայքայող» կապիտալ: Այն օգտվում է կառավարման բացերից և սպասարկում է անհատի շահը՝ չգնահատելով թափանցիկությունն ու հաշվետվողականությունը: Քայքայող կապիտալով ստեղծված արժեքը միտված չէ հանրային բարիքի ձևավորմանը:
Գայանե Դաջունցի հյուրերը՝ Կորպորատիվ կառավարման կենտրոնի տնօրեն Նարինե Մելիքյանը և պետական ֆինանսական կառավարման փորձագետ Արտակ Քյուրումյանը խոսել են «Կառուցողական կապիտալի նախադրյալների ամրապնդում որպես զարգացման հնարավորություն» կլոր սեղան քննարկման արդյունքներից և եզրակացություններից: