Ֆրանսիան կարող է փորձել պայմանավորվել ԱՄՆ հակաինֆլյացիոն օրենքով սահմանված մաքսատուրքերից եւ սահմանափակումներից որոշ բացառությունների մասին, սակայն Եվրոպան պետք է գործի ԵՄ տնտեսական շահերը պաշտպանելու համար: Այս մասին հայտարարել է Ֆրանսիայի ֆինանսների նախարար Բրունո Լը Մերը, որն այս շաբաթ կուղեկցի Ֆրանսիայի նախագահ Էմանուել Մակրոնին ԱՄՆ պետական այցի ժամանակ։
Եվրոպացիներն ասում են, որ սուբսիդիաների հսկայական փաթեթը՝ գնաճի նվազեցման մասին օրենքի համաձայն ամերիկյան արտադրողներին պաշտպանելու համար, կարող է մահացու հարված հասցնել նրանց ԵՄ ոլորտներին, որոնք արդեն տուժել են էներգակիրների բարձր գներից:«Ֆրանսիան կարող է պահանջել ազատել ԱՄՆ վարչակազմի կողմից սահմանված որոշակի պարտականություններից եւ սահմանափակումներից։ Բայց իրական հարցը, որը մենք պետք է տանք ինքներս մեզ, այն է, թե ինչպիսի գլոբալացում է սպասվում մեզ»,- ասել է Լը Մերը France 3-ին։
«Չինաստանը նախապատվությունը տալիս է չինական արտադրությանը, Ամերիկան՝ ամերիկյան արտադրությանը, ժամանակն է, որ Եվրոպան նախապատվությունը տա եվրոպական արտադրությանը… Եվրոպական բոլոր պետությունները պետք է հասկանան, որ այսօր, ամերիկյան այս որոշումների պայմաններում մենք պետք է սովորենք ավելի լավ պաշտպանել մեր տնտեսական շահերը»,- ասել է նա։
