Սահմանապահ Ջերմուկից վերադառնալով՝ Հայկ Մաթևոսյանը եկավ Լրատվական ռադիոյի տաղավար: Սեպտեմբերի 17-ին ՈՄԱ լեռահրաձգային գումարտակի հետ մեկնել էր սահմանները պահելու: Պարզ էր՝ ադրբեջանական հերթական ագրեսիան էր ու այլընտրանք փնտրելու կարիք անգամ չկար: Պիտի բոլորս այս իրավիճակում կարողանանք համատեղել հայրենիքի պաշտպանությունն ու մեր հիմնական գործը: Հասել ենք մի կետի, որտեղից ոչ մի կողմ գնալու տեղ այլևս չկա: