Անկախ կառուցապատման ծավալներից՝ Հայաստանում անշարժ գույքի շուկան զարգանում է ոչ այն մոտեցումներով ու տեմպերով, որքան աճում է պահանջարկը դրա հանդեպ։ Այս տենդենցը հնարավոր է փոխել միայն պրոֆեսիոնալիզմի, միջազգային լավագույն փորձի ներդրման միջոցով։ Իսկ այն թելադրում է փոխել մոտեցումները. քառակուսի մետրեր վաճառելու փոխարեն միջավայր ու կենսակերպ առաջարկել։
Արդյոք Հայաստանը նույնպես այս ուղղությամբ է շարժվում, արդյոք մեր փոփոխվող կյանքին համապատասխանելու է նաև մեր անշարժ գույքը։ Այս հարցերն ենք քննարկել «Ռենշին» ընկերության պրոյեկտների կառավարման բաժնի ղեկավար Անի Մավյանի և Banali.am անշարժ գույքի հարթակի տնօրեն Սիրարփի Գրիգորյանի հետ։
