2021 թվականին ստեղծված Զորաց նախաձեռնությունը փուլ առ փուլ զարգանում է։ Այս հարթակում հավաքագրվում են Արցախյան ազատամարտի մասնակից հերոսների մասին բազմաթիվ տեղեկություններ։ Դրան զուգահեռ նաև կան կից քարտեզներ, որոնց օգնությամբ հնարավոր է դառնում գտնել հերոսների շիրիմների տեղը։ Եռաբլուր պանթեոնում այդ նպատակով վերջերս տեղադրվել է էկրան-վահանակ, որը հենց ուղորդող դեր ունի։ Որքան էլ ցավալի գործ է, բայց հերոսների հիշատակը պետք է վառ պահել՝ անընդհատ խոսելով և պատմելով նրանց մասին։ Այսօր էլ հարթակին պետք է մարդկային ներուժ, նոր կամավորները կօգնեն գործը ավարտին հասցնել։