Օնլայն մեդիա հարթակներում բովանդակության զգալի մասը բաժին է ընկնում տեսանյութերին: Համաճարակն այդ տենդենցն ավելի արագացրեց: Օնլայն խանութները սկսեցին ֆիքսված ժամի տեսակապի միջոցով ցուցադրել իրենց տեսականին: Տեսանյութերը հաճախորդի մոտ խանութում ներկա գտնվելու էֆֆեկտ են ստեղծում, ինչը հատկապես այս օրերին շատ կարևոր է: Ըստ էության, բյուջետային այս լուծումներով հաճախորդները ոչ միայն տեղեկացան, այլև չմոռացան շատ կազմակերպությունների գոյության մասին: «Էմ-ՓԻ-ՋԻ» ընկերության փոխտնօրեն Գայանե Դաջունցի խոսքով, վիդեոկոնտենտի դարաշրջանում ապրանքների տեխնիկական նկարագրերն այլևս չեն գրավում:
