Պաուլ Էրլիխի անվանՊատվաստանյութերի եւ կենսաբժշկական դեղամիջոցների մշակման գերմանական ինստիտուտը (PEI) երկրում կորոնավիրուսի պատվաստանյութի առաջին գրանցումը ակնկալում է 2020թ․ վերջին-2021թ․ սկզբին: Այս մասին շաբաթ օրը NTV-ին տված հարցազրույցում հայտարարել է PEI-ի ղեկավար Կլաուս Ցիխուտեկը:
Էրլիխի ինստիտուտը Գերմանիայում պատասխանատու է համապատասխան բժշկական ապրանքների թույլատրման եւ վերահսկման համար:
«Մենք ակնկալում ենք առաջին գրանցմանը այս տարվա վերջին-հաջորդ տարվա սկզբին»,- ասել է Ցիխուտեկը: Նա հիշեցրել է, որ այժմ Գերմանիայում պատվաստանյութերի մշակման ինը նախագիծ գտնվում է կլինիկական փորձարկումների երրորդ փուլում:
Ցիխուտեկն ընդգծել է, որ նույնիսկ պատվաստանյութի գրանցումից հետո կանցնի «մի քանի ամիս», մինչ այն հասանելի լինի բնակչության լայն շրջանակներին, հաղորդում է ՏԱՍՍ-ը:
