Վերջին մեկ օրում Թուրքիայում կորոնավիրուսով վարակման 1692 նոր դեպք է գրանցվել, հայտնել է երկրի առողջապահության նախարարը:
Ըստ այդմ, վերջին մեկ օրում կատարվել է 114 300 թեստավորում: Վարակման դեպքերի ընդհանուր թիվը հասել է 306 302-ի:
Մինչ այժմ Թուրքիայում կորոնավիրուսից 7639 վարակակիր է մահացել, որից 65-ը՝ վերջին մեկ օրում: Ապաքինվել է 269 696 մարդ:
Ինչպես հաղորդում է Daily Sabah-ը, շաբաթներին վարակման դեպքերի օրական ցուցանիշներն աճում են: Տեմպը նվազեցնելու նպատակով նախորդ շաբաթ երկրի ողջ տարածքում պաշտպանիչ դիմակ կրելը դարձել է պարտադիր:
Բացի դա, վերականգնվել է որոշ ժամանակ առաջ հանված սահմանափակումը ուղևորափոխադրումների ոլորտում. արգելված է ավտոբուսներով կանգնած ուղևորների փոխադրումը, սահմանափակվել է նաև Ստամբուլի մետրոյի աշխատանքը:
Գրում է՝ Tert.am -ը:
