17:00   23-09-2020
Ամուսնությունը ՝ որպես տղամարդու եւ կնոջ միություն, ամրագրված է ՌԴ նախարարների կաբինետի մասին օրինագծում
Թողնել մեկնաբանություն

Ռուսաստանի կառավարությունը կարող է լիազորվել պաշտպանել ընտանիքն ու մանկությունը եւ, մասնավորապես, ամուսնությունը` որպես տղամարդու եւ կնոջ միություն: Այս դրույթը պարունակվում է կառավարության մասին օրինագծում, որը Պետդումա է ներկայացրել նախագահ Վլադիմիր Պուտինը:

Փաստաթուղթը կոչված է օրենսդրությունը համապատասխանեցնել ամռանն ընդունված Սահմանադրության փոփոխություններին, փոխանցում է ՌԲԿ-ն:

Ըստ դրա` ՌԴ կառավարությունը միջոցներ կձեռնարկի ընտանիքի, մայրության, հայրության եւ մանկության, ինչպես նաեւ ամուսնության ինստիտուտի` որպես տղամարդու եւ կնոջ միության, պաշտպանության համար:

Ենթադրվում է նաեւ, որ կառավարությունը կապահովի երեխաների ընտանեկան կրթության առաջնահերթությունը: Բացի այդ, դրա պարտականությունները կներառեն պայմանների ստեղծումը, որպեսզի չափահաս երեխաները հոգ տանեն իրենց երեխաների մասին:

Օրենքի նախագիծը կառավարությանը պարտավորեցնում է միջոցներ ձեռնարկել, որպեսզի առանց խնամքի մնացած երեխաների նկատմամբ ծնողական պարտականություններ կատարվեն: Կառավարությունը պետք է նաեւ հետեւի, որպեսզի երկրում պայմաններ ստեղծվեն երեխաների համակողմանի, հոգեւոր, բարոյական, մտավոր եւ ֆիզիկական զարգացման համար, եւ միջոցներ ձեռնարկի երիտասարդական քաղաքականության իրականացման համար:


Գրում է՝ News.am -ը:

Loading...