Այսօր կառավարության հերթական նիստին ՀՀ փոխվարչապետ Մհեր Գրիգորյանը ներկայացրեց «Հայաստանի Հանրապետության և Եվրոպական հանձնաժողովի միջև «Covid-19 համավարակի դիմակայման Հայաստանի պայմանագիր» ֆինանսավորման համաձայնագիրը:
Փոխվարչապետն ասաց, որ համաձայնագրով կորոնավիրուսի բացասական հետևանքները մեղմելու նպատակով ԵՄ-ն Հայաստանին կհատկացնի 30 մլն եվրո: Գումարը տրամադրվելու է ազգային գանձապետարանին՝ ուղղակի բյուջետային չթիրախավորված աջակցության տեսքով՝ առանց գործընկերոջ համաֆինանսավորման գործողության բաղադրիչի։
«Այն տրամադրվելու է բյուջետային աջակցության տեսքով, 24 միլիոն եվրոն միանվագ մասհանմամբ է տրամադրվելու»,-ասաց նա և նշեց, որ այդ գումարը առանց որևէ նախապայմանների է տրամադրվելու:
