ԱՄՆ նախագահ Դոնալդ Թրամփը նախագահի պաշտոնը խաղաղ ճանապարհով կլքի միայն այն դեպքում, եթե ընտրություններում տանուլ տա դեմոկրատական կուսակցության թեկնածու Ջո Բայդենը, ինչը կհաստատի Գերագույն դատարանը: Այս մասին նա հայտարարել է Fox news-ի հետ զրույցում։
«Այդ դեպքում ես կհամաձայնեմ Գերագույն դատարանի որոշման հետ։ Բայց ես կարծում եմ՝ մինչև դրան հասնելը մենք դեռ երկար ճանապարհ ունենք անցնելու»,-ասել է պետության գործող ղեկավարը։
Ավելի վաղ Սպիտակ տան ղեկավար Դոնալդ Թրամփը մամուլի ասուլիսի ժամանակ հրաժարվել էր նախագահական ընտրություններում իր պարտության դեպքում երաշխավորել երկրում խաղաղ իշխանափոխություն:
«Եկեք տեսնենք՝ ինչ տեղի կունենա: Ես արդեն ասել եմ, որ փոստով քվեարկությունն աղետ է».- ասել էր Թրամփը՝ պատասխանելով համապատասխան հարցին:
Միևնույն ժամանակ, երկրի առաջնորդը վստահություն է հայտնել իր հաղթանակում:
«Իշխանության որևէ հանձնում չի լինի, կլինի շարունակություն»,- հավելել էր նա:
ԱՄՆ-ում նախագահական ընտրությունները կկայանան նոյեմբերի 3-ին:
Գրում է՝ Tert.am-ը:
