16:40   13-11-2020
Image Description
ՌԴ ռազմաօդային ուժերի 8 ինքնաթիռ թռիչք է իրականացրել Արցախի հակամարտության գոտի խաղաղապահների տեղափոխման համար
Թողնել մեկնաբանություն

Ռուսական օդատիեզերական ուժերի Ил-76 ռազմատրանսպորտային 8 ինքնաթիռները նոյեմբերի 13-ին իրականացրել են 15-րդ խաղաղապահ բրիգադի ստորաբաժանումների տեղափոխումը՝ Արցախի հակամարտության գոտում խաղաղապահ գործողությունների շրջանակներում: «Արմենպրես»-ի փոխանցմամբ՝ այս մասին հայտնում է ՌԴ պաշտպանության նախարարության կայքը:

Ինքնաթիռները Հայաստան են տեղափոխում ավելի քան 10 մեծ բեռնատար ամենագնաց մեքենաներ, ինչպես նաև նյութատեխնիկական ապահովման միջոցներ և ավելի քան 100 զինծառայողների:

Արցախի հակամարտության գոտում խաղաղապահ առաջադրանքների իրականացման և իրավիճակի մոնիթորինգի գործողությունների համակարգումը ամենօրյա ռեժիմով իրականացնում է ՌԴ պաշտպանության ղեկավարման ազգային կենտրոնը:

ՌԴ ՊՆ հաղորդագրության մեջ նշված է, որ խաղաղապահ առաջադրանքները իրականացնելու, հնարավոր միջադեպերը կանխելու և ռուս զինծառայողների անվտանգությունն ապահովելու համար կազմակերպվել է փոխգործակցություն Հայաստանի և Ադրբեջանի զինված ուժերի գլխավոր շտաբերի հետ: Հաստատվել են կապի ուղիղ միջոցներ:

Loading...