Մի «տարօրինակ» բան ասենք. համայնքի ղեկավարներն ընտրությունից ընտրություն «աշխատելու» համար չեն: Գուցե «անհավատալի» թվա, բայց նրանք համայնքի զարգացման՝ ասել է, թե տնտեսական խնդիրներ լուծելու, ենթակառուցվածքներ ստեղծելու ու առհասարակ համայնքում կյանքի որակի բարձրացման համար են: Հայաստանում ստացվել է այնպես, որ տնտեսական խնդիրներն ամենաքիչն են մտահոգում համայնքների ղեկավարներին, նրանց գերխնդիրն ընտրությունների ժամանակ ձայների ապահովումն է: Մինչդեռ ցանկացած տնտեսական մոդել նախ և առաջ ենթադրում է «անհատական» աշխատանք տեղում՝ համայնքներում: «Հակաճգնաժամի» այս թողարկմանը Գագիկ Մակարյանը ներկայացնում է, թե ինչպես պետք է աշխատեն համայնքներն ու ինչպես կարելի է հասնել տարածքային համաչափ զարգացման:
