Արցախի Ազգային ժողովը գումարել է արտահերթ նստաշրջան:
Բացելով նստաշրջանը՝ Ազգային ժողովի նախագահ Արթուր Թովմասյանը հայտարարեց, որ Արցախի Սահմանադրության 114-րդ հոդվածին և «Ազգային ժողովի կանոնակարգ» օրենքի 40-րդ հոդվածին համապատասխան Արցախի ղեկավարի նախաձեռնությամբ հրավիրված արտահերթ նստաշրջանի օրակարգում ընդգրկված են հետևյալ հարցերը.
1. ««Արցախի պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում փոփոխություններ և լրացումներ կատարելու մասին» օրենքի նախագիծը (Արցախի ղեկավարի պաշտոնական ներկայացուցիչ, Արցախի արդարադատության նախարար Կարեն Դանիելյան ),
2. «Քաղաքացիական օրենսգրքում լրացում և փոփոխություն կատարելու մասին» օրենքի նախագիծը (Արցախի ղեկավարիի պաշտոնական ներկայացուցիչ, Արցախի արդարադատության նախարար Կարեն Դանիելյան ):
3. ««Արցախի արտակարգ իրավիճակների պետական ծառայության մասին» օրենքում փոփոխություններ կատարելու մասին»,««Ոստիկանության մասին» օրենքում փոփոխություններ և լրացումներ կատարելու մասին» և ««Ոստիկանությունում ծառայության մասին» օրենքում փոփոխություններ և լրացումներ կատարելու մասին» օրենքների նախագծերի փաթեթը (Արցախի ղեկավարի պաշտոնական ներկայացուցիչ, Արցախի արդարադատության նախարար Կարեն Դանիելյան ):