Հայաստանում երգեհոնային երաժշտության
առաջին կատարողն ու երգեհոնային արվեստի հիմնադիրը՝ Վահագն Ստամբոլցյանը կդառնար
91 տարեկան: Վլադիմիր անունից ինքնակամ հրաժարվելով՝ Վահագն դառնալով, Ստամբոլցյանը
ամբողջ կյանքում նվիրվեց ու ծառայեց հայի ինքնությանը: Ստամբոլցյանի շնորհիվ հոգևոր
երաժշտությունը ճանաչելի ու սիրելի դարձավ. նրա կախարդանքից Բախն ու Հենդելը հայացան,
իսկ Մաշտոցը, Կոմիտասը, Եկմալյանը դարձան համամարդկային արժեք: Հրաչյա Մաթևոսյանի շնորհիվ
մտերմացա վարպետի հետ և երբ առաջին անգամ պատիվ ունեցա իմ տանը նրան հյուրընկալելու՝
խնդրեցի ինձ նվիրել իր սկավառակները. ասաց չեմ կարող տալ, որովհետև չունեմ: Տարիներ
հետո թվայնացրի Ստամբոլցյանի երկու մեծ սկավառակ և ինքս նվիրրեցի վարպետին: Մի օր էլ
հանդգնեցի «Կարին »-ի համերգին հրավիրել, ավարտին ասաց՝ 30 տարի խռոված էի հայկական
պարարվեստից, այսօր դու հաշտեցրիր մեզ: Վարպետի այս բնորոշումն իմ կյանքի կարևորագույն,
պարտավորեցնող գնահատականներից է: