Արցախյան 44-օրյա պատերազմով տարածաշրջանում կանխանշվեց նոր փուլ։ Հարավային Կովկասի բոլոր խաղացողների համար այսօր բացվում են նոր պատուհաններ, զուգահեռաբար նաև անվտանգային նոր ռիսկեր։ Իրանագետ Վարդան Ոսկանյանի խոսքով հատկապես Իրանի համար ՀՎ Կովկասը օրակարգի առաջին կետում է։ Նրանք գիտակցում են՝ Հայ-Իրանական սահմանը ոչ թե լոկ սահման է, այլ բաժանարար գիծ քրիստոնեական և իսլամական աշխարհների միջև։ Սա խաղաղության գոտի է. իրանական աշխարհի համար նաև կապող օղակ ԵԱՏՄ երկրների հետ։ Ոսկանյանը նշում է՝ ունենալով ՌԴ-ի նման դաշնակից, պիտի նոր փուլով գործակցենք Իրանի հետ։
