Ընտրական օրվա մեկնարկը Շիրակի մարզի 220 ընտրատեղամասերում տրվել է առանց խնդիրների:
Ինչպես տեղեկացնում է «Արմենպրես»-ը` օրենքով սահմանված կարգով բացվել են ընտրատեղամասերը: Երկար սպասեցնել չեն տվել նաև առաջին ընտրողները:
Թիվ 30 ՏԸՀ նախագահ Արթուր Խաչատրյանը զրույցում հավաստեց՝ բոլոր ընտրատեղամասերը կահավորված են օրենքով սահմանված կարգով: «Հանձնաժողովը սպասարկում է նախկին Աշոցք ու Ամասիա վարչատարածքային շրջանների խոշորացված համայնքները: Հանձնաժողովի կազմում 63 տեղամաս է, և բոլոր տեղամասերից արդեն ստացել ենք համապատասխան տեղեկատվություն, որ իրենք ամբողջությամբ աշխատանքային ռեժիմի մեջ են, և ոչ մի խնդիր չկա: Աեն ինչ ընթանում է բնականոն հունով»,-նշեց Արթուր Խաչատրյանը: