Տիեզերական գործունեության ոլորտի զարգացման նպատակով ստեղծվել է Հայաստանի Հանրապետության և Ռուսաստանի Դաշնության միջև տիեզերական գործունեության ոլորտում համագործակցության ապահովման հայկական կողմի աշխատանքային խումբ:
Ինչպես փոխանցում է «Արմենպրես»-ը, այդ մասին որոշումը ստորագրել է վարչապետի պաշտոնակատար Նիկոլ Փաշինյանը:
Աշխատանքային խմբի կազմում կընդգրկվեն Բարձր տեխնոլոգիական արդյունաբերության, Պաշտպանության նախարարությունների, Ազգային անվտանգության ծառայության, Զինված ուժերի գլխավոր շտաբի, Անվտանգության խորհրդի գրասենյակի, «Գեոկոսմոս» ՓԲԸ-ի և ՀՀ ԳԱԱ Վ. Համբարձումյանի անվան Բյուրականի աստղադիտարանի ներկայացուցիչները:
