09:59   28-10-2021
Image Description
«Թուրքիան ապակառուցողական դերակատարում ունի տարածաշրջանում». Հունաստանի վարչապետ
Թողնել մեկնաբանություն

Հունաստանի վարչապետ Կիրիակոս Միցոտակիսը Սաուդյան Արաբիա կատարած այցի ժամանակ թագաժառանգ Մոհամմադ բին Սալմանի հետ հանդիպմանը հայտարարել է, որ Թուրքիան անկայունություն է ստեղծում և ապակառուցողական դերակատարում ունի տարածաշրջանում։

Միցոտակիսը Թուրքիայի վերաբերյալ հայտարարություններ է արել նաև Էլ-Ռիադում պանելային քննարկման ժամանակ՝ գրում է Ermenihaber-ը։

«Չեմ կարծում, որ աշխարհաքաղաքական սպառնալիք կա։ Հավատում եմ, որ Թուրքիան, ի վերջո, կհասկանա, որ Արևելյան Միջերկրականում իր դիրքորոշումը որևէ արդյունք չի ունենալու»,- նշել է վարչապետը։

Կիրիակոս Միցոտակիսն անդրադարձել է նաև Ֆրանսիայի և Անգլիայի հետ պաշտպանության ոլորտում ստորագրված պայմանագրերին, Հունաստան-ԱՄՆ համատեղ պաշտպանական արձանագրության թարմացմանը։ Այդ համատեքստում նա շեշտել է, որ «ուժեղ դաշինքներ են ստեղծել և իրենց սահմանները շատ հստակ են գծել»։

Loading...