10:00   01-12-2021
Չինաստանը ողջունել է տարածաշրջանային խաղաղության և կայունության պահպանմանն ուղղված Ռուսաստանի ջանքերը
Թողնել մեկնաբանություն

Չինաստանը ողջունում է Ռուսաստանի ջանքերը՝ ուղղված տարածաշրջանային խաղաղության և կայունության պահպանմանը։ Այդ մասին հայտարարել է Չինաստանի ԱԳՆ պաշտոնական ներկայացուցիչ Չժաո Լիծյանը՝ ճեպազրույցի ժամանակ մեկնաբանելով նախորդ շաբաթ Սոչիում կայացած՝ Հայաստանի, Ռուսաստանի և Ադրբեջանի բարձր մակարդակի եռակողմ հանդիպումը։

Նրա խոսքով՝ Հայաստանն ու Ադրբեջանը Չինաստանի համար բարեկամ և գործընկեր երկրներ են:

«Չինաստանն անկեղծորեն հույս ունի, որ երկու կողմերն ընդառաջ կգնան միմյանց, տարաձայնությունները կկարգավորեն երկխոսության և խորհրդակցությունների միջոցով և միասին կաջակցեն տարածաշրջանային խաղաղությանն ու կայունությանը»,- ընդգծել է ՉԺՀ արտաքին քաղաքական գերատեսչության պաշտոնական ներկայացուցիչը:

Loading...