Այսօր Ժնևում կհանդիպեն ՌԴ ԱԳ նախարար Սերգեյ Լավրովն ու ԱՄՆ պետքարտուղար Էնթոնի Բլինկենը։ Ինչպես սպավում է, քննարկումների գլխավոր թեման կլինեն անվտանգության երաշխիքների վերաբերյալ ռուսական առաջարկները։ Այս մասին հայտնում է RIA Novosti-ն։
Բլինկենն արդեն հայտարարել է, որ հանդիպման չի տանի ԱՄՆ-ի գրավոր պատասխանը ռուսական փաստաթղթերին։ Նրա խոսքով՝ կողմերը պետք է քննարկեն ընթացիկ իրավիճակն ու տեսնեն՝ կա՞ արդյոք դիվանագիտության ու երկխոսության համար հնարավորություն։
Մոսկվայում իրենց հերթին հայտնել են, որ ժնևյան շփումների ժամանակ նախատեսվում է հստակեցնել հնարավոր հետագա քայլերը։
TASS-ի փոխանցմամբ՝ պետքարտուղար Բլինկենը գերմանական ZDF հեռուստաալիքի հետ հարցազրույցում հայտարարել է, որ բանակցություններից բեկում չի ակնկալում, հուսով է լսել, թե ինչ եզրահանգման է եկել Մոսկվան ԱՄՆ-ի և ՆԱՏՕ-ի հետ նախորդ խորհրդակցությունների արդյունքներով։