«Մարզերի երեխաները մարզերում» ՀԿ֊ն դարձավ առիթ, որ ծնվի «Ճանաչիր թշնամուդ» նախագիծը։ Միտքը առաջացավ այն ժամանակ, երբ համահիմնադիր Հեղինե Սարգիսյանը սկսեց ուսումնասիրել ադրբեջաներեն։ Պետք է ցանկացած դեպքում կիսվել գիտելիքներով։ Նախաձեռնության անվան ընտրությունը բարդ էր. պետք էր ներառել ամբողջ գաղափարախոսությունը։ Ռազմա֊կրթական այս ծրագիրը նպատակ ունի խուսափել թշնամու մանիպուլյացիաներից։ 44-օրյա պատերազմի ընթացքում հայոց լեզվին տիրապետելը թշնամուն շատ հարցերում օգնեց, մեզ՝ վնասեց։ SMM մասնագետ Տաթև Բադալյանը թիմին միացել է ավելի ուշ։ Վստահ է՝ մեծ փոփոխության մասնիկ դառնալը կարևոր է, ուրախացնող, բայց միևնույն ժամանակ պատասխանատու որոշում։
