ԵՄ երկրներն արգելափակել են «Ռուսական Բանկի» ակտիվները մոտ 23 մլրդ եվրոյի չափով, հայտնում է Reuters-ը՝ հղում անելով արդարադատության հարցերով եվրահանձնակատար Դիդիե Ռեյնդերսին։ Ռեյնդերսի խոսքերով՝ ԵՄ երկրներն արգելանքի տակ են դրել նաև նյութական ակտիվները, մասնավորապես՝ զբոսանավերն ու վիլլաները, դրանց արժեքը գնահատվում է 10 միլիարդ եվրո։
Իտալիան սառեցրել է այն ռուսների ունեցվածքը, որոնք հայտնվել են ԵՄ պատժամիջոցների ցանկում:
Եվրահանձնակատարը չի հստակեցրել, թե արդյո՞ք ԵՄ բոլոր երկրները տեղեկատվություն են տրամադրել ռուսական ակտիվների արգելափակման մասին։ Նա նաև չի պարզաբանել, թե ինչու ԵՄ-ն կարողացավ սառեցնել «Ռուսական Բանկի» «այդքան քիչ ակտիվներ»։
Արեւմտյան երկրները, Ուկրաինայում հատուկ գործողության ֆոնին, կոշտ պատժամիջոցներ են սահմանել Ռուսաստանի դեմ, այդ թվում՝ սառեցնելով արտարժույթի պահուստները։ ՌԴ ֆինանսների նախարար Անտոն Սիլուանովն ավելի վաղ արգելափակված ակտիվների չափը գնահատել էր 300 մլրդ դոլար, ինչը Ռուսաստանի ոսկու պաշարների մոտ կեսն է:
Կրեմլը պատժամիջոցներն անվանել է տնտեսական պատերազմ, սակայն նշել է, որ պատրաստ է իրադարձությունների նման զարգացմանը: «Ռուսական Բանկը» միջոցներ է ձեռնարկում արտարժույթի շուկայում իրավիճակը կայունացնելու համար: Անբարյացակամ երկրներին գազի մատակարարումների դիմաց վճարումները դարձել են ռուբլով։ Կառավարությունը նաև սահմանափակող միջոցառումներին հակազդելու ծրագիր է պատրաստել, որը ներառում է մոտ հարյուր նախաձեռնություն։ Դրա ֆինանսավորման չափը կկազմի մոտ մեկ տրիլիոն ռուբլի։
