Հայաստանի ու Ադրբեջանի միջև երթուղիների քննարկման հարց կդրվի միայն իրավական կարգավորումների շուրջ ընդհանուր հայտարարի գալուց հետո, ուղիղ եթերում ասուլիսի ժամանակ ասել է ՀՀ վարչապետ Նիկոլ Փաշինյանը:
«Մենք երթուղիներ կսկսենք քննարկել միայն այն բանից հետո, երբ իրավական կարգավորումների շուրջ կգանք ընդհանուր հայտարարի»,-նկատել է ՀՀ վարչապետ Նիկոլ Փաշինյանը՝ նշելով, որ բացվող ճանապարհները պետք է գտնվեն այն երկրների իրավազորության ներքո, որոնցով անցնում են։ Վարչապետը նկատել է, որ Հայաստանի և Ադրբեջանի միջև երթուղիների ընտրությունն իրականանում այդքան էլ մեծ չէ։
«Մենք գործնականում ունենք մի 3-4, մաքսիմում՝ 5 տարբերակ, և դրանից մեկը պետք է ընտրենք։ Երթուղին տեխնիկական հարց է, և հաճախ փորձ է արվում քաղաքականացնել։ Երթուղիների հարցում ոչ մեկ մեզնից ավելի շահագրգիռ չի կարող լինել, որովհետև մենք խնդիր ունենք այդ ճանապարհներով ուղղորդել հնարավորինս մեծ միջազգային տարանցում, որը պետք է եկամուտներ բերի ՀՀ-ին»,- ասել է Նիկոլ Փաշինյանը։
