Ուկրաինական ուժերն առաջին անգամ օգտագործել են ամերիկյան M142 HIMARS համազարկային կրակի ռեակտիվ համակարգեր՝ հարվածելով Լուգանսկի Ժողովրդական Հանրապետության Պերևալսկ քաղաքին։
«РИА Новости» գործակալության փոխանցմամբ՝ այս մասին հայտնել են ԼԺՀ-ի կրակի դադարեցման ռեժիմի վերահսկման և համակարգման համատեղ կենտրոնից։ Հրթիռի ընկնելու վայրում թանձր ծուխ է բարձրացել։
80 կմ հեռահարությամբ HIMARS համակարգերը Վաշինգտոնի ռազմական օգնության 11-րդ փաթեթի մասն են կազմում։ Դրանք Ուկրաինա էին հասել հունիսի 23-ին։ Սպիտակ տնից հավաստիացրել էին, որ Ուկրաինան պատասխանատվություն է ստանձնել այդ համակարգերը չօգտագործել Ռուսաստանի տարածքի գնդակոծության համար։ Մոսկվան այս հավաստիացումներին կասկածանքով էր վերաբերվել։